L-Unjoni Ewropea - Pakkett Tematiku - Riżorsi għall-Klassi

Riżorsi għall-Klassi

Hawnhekk tista’ ssib sensiela ta’ riżorsi li jmorru mal-preżentazzjoni u ma’ l-attivitajiet interattivi ta’ fuq l-Internet. Dawn ir-riżorsi jinkludu Folji ta’ Tagħrif u ta’ Taħriġ li l-istudenti jkunu jistgħu jużaw waqt ix-xogħol tal-klassi meta ma jkunux fuq il-kompjuter. Tista’ ssib ukoll sett ta’ riżorsi li jikkumplimentaw il-lezzjoni, bħal ċarts, flashcards u posters.

Dawn ir-riżorsi huma kollha f’format PDF biex tkun tista’ tistampahom mingħajr problemi. Niżżel il-plugin ta’ l-Acrobat Reader jekk ma tkunx tista’ tara l-fajls sewwa fuq l-iskrin.

Niżżel u installa l-Acrobat Reader

Fuq

Riżorsi dwar il-munita ta' l-ewro

Sett ta' attivitajiet u riżorsi biex tistampa jew tuża fi
programmi bħal Kid Pix u Print Shop

Fuq

Ċart: UEchart.pdf
Din iċ-ċart fiha mappa ta’ l-Unjoni Ewropea u l-bnadar ta’ l-istati msieħba kollha. Il-fajl PDF jaqsam iċ-ċart fuq disa’ folji A4. Biex timmuntaha, inkolla l-folji ma’ kartonċin iebes u mbagħad għaqqadhom flimkien.

Fuq

Folji Taħriġ: UEtahrig.pdf
Il-fajl UEtahrig.pdf għandu fih disa’ folji daqs A4 b’logħob varju bħal moħbakelma u tisliba. Hemm żewġ tipi ta’ moħbakelma. Erba’ logħbiet minnhom jirrikjedu ftit taħbil il-moħħ jew għallinqas memorja tajba. L-erba’ logħbiet l-oħra mhumiex daqshekk impenjattivi. Biex it-tisliba tinħadem sewwa hemm bżonn li l-istudenti jkunu raw sew it-tagħrif li hemm fil-programm tal-preżentazzjoni.		UEtahrig.pdf

Fuq

Folji Tagħrif
UEintro.pdf fiha żewġ paġni li tista’ tiffotokopja biex it-tfal jużaw waqt ix-xogħol tal-klassi bħala referenza. UEInfoMuniti.pdf huwa fajl li fih sett ta’ erba’ posters tad-daqs A4 b’informazzjoni dwar l-ewro. Dawn tista’ tillaminahom bil-plastik qabel ma jużawhom l-istudenti waqt ix-xogħol tagħhom. Wara jistgħu jiddendlu fil-klassi wkoll.
UEintro.pdf	UEInfoMuniti.pdf

Fuq

Tiftix fuq l-Internet
UETiftixInternet.pdf fih tliet folji ta’ attivitajiet biex l-istudenti jirriċerkaw l-Internet għal tagħrif partikulari dwar l-Unjoni Ewropea. Il-gruppi ta’ studenti fuq il-kompjuter jistgħu jingħataw tiftixa differenti.

Fuq

Logħob Dominoes
Hawnhekk għandek tliet settijiet differenti ta’ logħob tad-Dominoes. L-istruzzjonijiet kif timmonta l-cards u tilgħab il-logħob qegħdin fil-fajls PDF infushom. UEDominoesPopol.pdf: mill-iżgħar għall-akbar pajjiż skond il-popolazzjoni UEDominoesDaqs.pdf: mill-ikbar għall-iżgħar pajjiż skond id-daqs UEDominoesBliet.pdf: il-bliet kapitali tal-pajjiżi	UEDominoesPopol.pdf
UEDominoesDaqs.pdf	UEDominoesBliet.pdf

Fuq

Flashcards
Dawn huma żewġ settijiet ta’ flashcards. Flashcards1.pdf huwa sett ta’ cards għal kull stat imsieħeb fl-Unjoni, bid-dettalji kollha li jinsabu fil-programm ta’ preżentazzjoni. It-tieni sett ta’ cards fih l-ismijiet tal-pajjiżi kollha msieħba fl-Unjoni.
UEflashcards1.pdf	UEflashcards2.pdf