TEMI TAL-POEŻIJA:

°   IS-SOLITUDNI

  °   IT-TOQOL TAL-ĦAJJA

F’din il-poeżija Rużar Briffa jitkellem dwar it-toqol tal-ħajja tiegħu.  Huwa jgħid li sa minn meta kien żgħir kien waħdu u ħadd ma tah pariri la dwar       il-futur qrib u lanqas dwar  il-futur imbiegħed. Tfulitu kienet iebsa imma sabiħa (“għoljiet xemxija”). 

Kien ukoll permezz tal-ħila tiegħu li skopra t-talent tal-poeżija.

Madankollu, ż-żmien tat-tfulija malajr għadda. Ħajtu saret kerha u mimlija tbatija (“kollox jagħti fis-sewdieni”) tant li nesa l-ferħ tal-bidu. 

Jgħid li l-uniku faraġ li kellu f’ħajtu kienet il-poeżija.

Fl-aħħar, Briffa jgħid li minkejja li ħajtu kienet iebsa, hu ma tfarrakx taħt it-toqol tagħha.  Minkejja li kiber, il-poeżija tiegħu baqgħet sabiħa u mimlija ħajja.

• Rużar Briffa twieled il-Belt Valletta fl-1906.
• Studja l-Liċeo u fl-Univerista` ta’ Malta u sar tabib fl-1931.
• Meta kien għadu student waqqaf l-Għaqda tal-Malti (Universita`) flimkien ma’ Ġuże` Bonnici biex iħeġġu lill-istudenti jiktbu letteratura bil-Malti.
• Rebaħ scholarship u kompla jistudja Londra u wara l-Indja, fil-kura tal-mard tal-ġilda.
• Meta ġie lura ħadem f’diversi sptarijiet f’Malta u kien anke jgħallem fl-Universita`.
• Iżżewweġ darbtejn minħabba li mietet l-ewwel mara tiegħu.
• Miet fit-22 ta’ Frar, 1963
• Rużar Briffa jibqa’ mfakkar għall-poeżiji romantiċi tiegħu, li huma melodjużi daqs kemm malinkoniċi.