Nhar il-Ġimgħa 15 ta’ Mejju fil-Kulleġġ Maria Regina, Sekondarja Bniet Mosta,  kellna viżta pastorali mill-Eċċellenza tiegħu Mons. Arċisqof Pawlu Cremona.  L-Arċisqof intlaqa’ mill-istudenti fis-sala tal-iskola. Ittella’ programm żgħir ta’ kant u mima li ntemm b’diskors li l-Arċisqof għamel lill-istudenti.  Wara l-istudenti kellhom iċ-ċans jiltaqgħu ma’ Mons. Arċisqof u jistaqsuh xi mistoqsijiet li ġew imwieġba b’sinċerita’ kbira.  L-Arċisqof iltaqa’ wkoll mal-minor staff, l-iskrivani, l-għalliema u l-amministrazzjoni tal-iskola.  Għal din iż-żjara speċjali kien  preżenti wkoll il-prinċipal tal-iskola, s-Sur Mario Testa.  Fl-aħħar taż-żjara tiegħu, l-Arċisqof ta l-barka pastorali tiegħu lil dawk kollha preżenti.  Grazzi Mons. Arċisqof tal-ferħ li tant ġibt fl-iskola tagħna. Żgur li din iż-żjara ħalliet ġid kbir fostna lkoll.