|
Jibqa’ magħruf ukoll bħala l-Otto Settembre u Jum il-Vitorja. F’dan il-Jum il-poplu Malti jfakkar żewġ avvenimenti importanti:
(a) ir-Rebħa tal-Kavallieri u
l-Maltin fuq it-Torok Ottomani (fl-1565)
(b) it-Tmiem tat-Tieni Assedju (1943)
Monument fil-Birgu f'Misraħ ir-Rebħa; ifakkar ir-rebħa
tal-Maltin u l-Kavallieri fuq it-Torok Ottomani fl-1565.
L-Assedju l-Kbir ta’ l-1565 beda f’Mejju.
- It-Torok
ħabtu għall-Gżejjer
maltin b’180 xini u b’40,000 ruħ.
Il-Kavallieri u l-Maltin
kellhom bejniethom madwar 9000 ruħ.
- Il-mexxej
tagħhom kien il-Granmastru La Valette.
- L-unika
fortifikazzjoni li rebħu t-Torok kien il-Forti Sant Jiermu. L-Isla u l-Birgu żammew sod.
- Sqallija bagħtet
l-għajnuna lil Malta fis-7 ta’
Settembru.
- Wara din ir-rebħa,
il-Birgu ngħata
l-isem ta’ Citta` Vittoriosa (tfisser: Belt Rebbieħa).
- Biex jitfakkar
l-Assedju l-Kbir insibu monument fil-Belt
Valletta u ieħor
fil-Birgu.
 |
Il-Monument ta' l-Assedju l-Kbir fil-Belt Valletta,
quddiem il-bini tal-Qrati Maltin. Aqra iktar dwar l-ASSEDJU
L-KBIR ta' l-1565. |
Fit-Tieni Assedju, magħruf aħjar bħala it-Tieni
Gwerra Dinjija, il-Gżejjer Maltin
sfaw il-mira ta’ l-ajruplani Taljani u Ġermaniżi.
- L-Italja
iddikjarat il-gwerra
fl-10 ta’ Ġunju
1940.
- L-ewwel
attakk fuq Malta sar mill-ajruplani Taljani fl-10 ta’ Ġunju 1940.
- Eluf ta’
Maltin ħallew
l-inħawi tal-Port
il-Kbir u fittxew kenn fil-kampanja.
- Il-Maltin
kienu jistkennu fix-xelters imħaffra apposta.
- Il-konvojs
mibgħuta lejn Malta bdew
jiġu mgħarrqa
mill-vapuri Ġermaniżi.
- F’Awissu 1942 meta
konna se nċedu minħabba nuqqas ta’ ikel, wasal il-konvoj ta’ Santa Marija (15 ta’ awissu 1942).
- Fil-15 ta’
April 1942 ir-Re Ġorġ
VI ta’ l-Ingilterra irrikonoxxa l-qlubija tal-maltin billi tana l-medalja “George
Cross”.
- Tifkira ta’
dan l-assedju, fit-8
ta’ Settembru issir ir-Regatta tad-Dgħajjes fil-Port il-Kbir. Isiru wkoll ċerimonji maż-żewġ monumenti
fil-Birgu u fil-Belt.
Il-Monument li jfakkar it-Tieni Gwerra
Dinjija qrib il-Barrakka t'Isfel.
|