Nixtieq nagħtikom merħba fil-website tal-iskola tagħna. Permezz ta’ din il-website nixtiequ nagħtu stampa ta’ dak li jseħħ fil-komunità skolastika tagħna. Għalhekk qed inwasslulkom informazzjoni dwar il-ħidma li sseħħ ta’ kuljum, kemm mill-istudenti, kif ukoll mill-edukaturi li jaħdmu fl-iskola tagħna.

L-impenn tagħna lkoll huwa ffukat biex titwettaq il-missjoni skolastika tagħna. Dik li l-istudenti jkunu pprovduti b’edukazzjoni ta’ kwalità, li tiżviluppa bl-aħjar mod dawk il-kwalitajiet, il-ħiliet u l-valuri li jeħtieġu biex jikbru bħala persuni u bħala ċittadini.

Għalhekk nistedinkom tagħmlu użu minn din il-website, billi tfittxu fit-taqsimiet differenti, tagħrif ta’ interess, fost l-oħrajn dwar l-istorja tal-iskola tagħna u l-attivitajiet organizzati matul is-sena skolastika.  

Mr  J. Cilia Vincenti - Kap tal-iskola